Det var Hildegunn Vederhus som skreiv eit lesarinnlegg i Porten om at kostnadene ved å fjerne gamle vindturbinar kan føra til ruin for grunneigarar:
«Det som skjer på grunneigars eigendom, er etter lova grunneigars ansvar. Må grunneigar bere opprydningskosten dersom investorar i kraftselskapa trekkjer seg ut, slår industrianlegget konkurs og forlet turbinar og naturområdet til kråkene? spør Hildegunn Vederhus om opprydding etter vindkraftverk i innlegget.»
Grafen har spurt jusprofesssor Hans Fredrik Marthinussen ved Universitetet i Bergen om ansvar og kva grunneigar eventuelt kan gjere for å sikre seg, som ved å opprette eit aksjeselskap og overføra grunnen der.
Grunneigar eller skattebetalarane kan sitje att med rekninga
– No vil eg tru at det er mulig å få overteke ein vindpark etter ein konkurs, sidan ein då ikkje treng overta gjelda knytt til den, seier Marthinussen.
Han har vondt for å sjå føre seg at ein vindpark vert heilt verdilaus:
– Det kan sjølvsagt tenkast at ein har forsømt vedlikehald i lang tid og at vindmøllene i realiteten er skrap og at verdien på «skrapet» ikkje overstig kostnadane med demontering og fjerning.
I så fall kan det vel tenkast at ingen vil ta ansvar, og eg trur at grunneigar i så fall har eit «forureiningsansvar», seier han.
Kan overføra risiko til aksjeselskap
Marthinussen seier at ein i prinsippet kan overføre eigedomen til eit aksjeselskap og beskytte seg, men ein må først få frådelt den aktuelle eigedomen.
– Då endar vel staten opp med ansvaret til slutt.
Les også: Dette gjer situasjonen for Guleslettene spesiell
