Grafen har som einaste nettavis fått innsyn i anmeldelsen Sogndal kommune innga på ein tilsett i sektoren helse og omsorg.
Det var i førre veke at kommunalsjef for administrasjon, Tor-Einar Holvik Skinlo, orienterte finansutvalet om at ein tilsett var meld til politiet for økonomisk misleghald.
Les også: Etterforskar økonomisk misleghald i Sogndal kommune
Dokument Grafen har fått innsyn i viser at saka dreier seg om misbruk av kredittkort av typen Coop-kredittkort.
I følge anmeldelsen var kortet brukt i ein periode det var inndrege. Årsaka til at kortet var inndrege var at det skulle bestillast nytt kort og endrast namn på kortet.
Vidare står det at administrasjonen gjorde undersøkingar om misbruk og fekk dette stadfesta.
I følgje rådmann Ellen Njøs Lillesvangstu skal det ikkje vere snakk om store beløp.
