Tysdag vart Tørvis Hotell i Luster kommune skada etter vasslekkasje. Det var to brannslangar som var drenge ut med vatnet på. I følgje Sogn Avis var slangane dregne ut i tredje etasje, og vatnet rann nedover etasjane.
Politiet i Sogndal har sett i gang med etterforsking, men har ikkje ville dele informasjon med Grafen tross fleire forsøk.
Mange Straumstein som er konstituert lensmann seier til Grafen at fleire medier har spurt etter bilete av skadane, men ingen har fått på grunn av etterforskning. Grafen har likevel bede om å få bilete som ikkje har relevans for etterforskning, men Straumstein vil ikkje gi slike heller.
Ingen mistenkte
I følgje Straumstein er det ingen mistenkte enno og dei etterforskar i breidden. Heller ikkje vil han seie noko om kven dei avhøyrer, eller om skadeomfanget.
I dag ligg hotellet ute på tvangssal med ein verditakst på 13 millionar kroner. Det har komme inn to bod på 11 millionar kroner.
Analyser Grafen har gjort viser at hotellet ikkje er særleg lønnsomt.
Les også: Difor er Tørvis Hotell eit dårleg investeringsprosjekt
Sprikande forklaringar på kven som eig og disponerer Tørvis
Verken Ola Moe i Scoop AS eller Gunnar Ruud i Luster Sparebank vil gje Grafen tilgang til å komme inn i bygningen for å ta bilete. Dei kranglar også om kven som er eigar og kven som disponerer bygget.
Her kan du sjå dei ulike forklaringane:
Gunnar Ruud i Luster Sparebank skriv i SMS at:
Og så held det fram:
og vidare:
Litt seinare fekk Grafen kopi av denne meldinga som er ei stadfesting på at eigedommen vart overlevert til Gunnar Ruud i Luster Sparebank den 3. desember 2019.
Ola Moe seier til Grafen at «han ikkje har råderett, disponert eller hatt tilgang til eigedommen sidan då», og at dette gjeld fortsatt. Han viser til prosesskriv frå desember 2019, og e-post om at nøklar til bygget er overlevert Ruud.
