Kommune- og fylkestingvalet har vorte eit distrikts- og bompengeopprør der Senterpartiet og Folkeaksjonen nei til meir bompengar (FNB) vart dei store vinnarane.
Arbeidarpartiet gjorde eit historisk dårleg val og ein må attende til 1921 for å finna dårlegare resultat. Også styringspartiet Høgre går attende, men langt frå så mykje som Arbeidarpartiet.
Senterpartiet har vunne mykje på distriktsopprøret. I nye Sogndal er resultatet heile 43,2 % – ein framgang på 15,7 %. Arbeidarpartiet gjekk tilbake 15,1 % og har mista veljarar som følgje kupping og alvorlege problem i Sogndal kommune.
I Bergen er bompengepartiet nesten like store som Arbeidarpartiet og for Vestland-fylke får dei 9 %.
Arnstein Menes (Sp) frå Balestrand vert ordførar i nye Sogndal. Han var varaordførar i Balestrand frå 2011-2015 og har vore i fylkestinget. Til dagleg arbeidar han som opptaksleiar ved Høgskulen på Vestlandet.
Kven som vert varaordførar i nye Sogndal er usikkert, men posten står mellom Vibeke Johnsen (SV) eller Trude Risnes (V).
Foto: Grafen.
