Det rasa ned store flak frå taket i Fjærlandstunnelen på riksveg 5 mellom Sogndal og Sunnfjord kommune etter ei planlagt sprenging i morgontimane i dag. Sidan då har tunnelen vore stengt, og den opnar ikkje i dag.
Den alternative omkøyringsvegen over Gaulerfjellet på fylkesveg 613 er også stengt på grunn av uvær.
Den raskaste vegen mellom Sogndal og Sunnfjord går då om Vadheim, men også der er utfordringar med ventetid grunna vegarbeid, og ikkje minst ferjer.
Prosjektleiar i Statens vegvesen, Sveinung Hovland, veit ikkje kva som er årsaka til raset, men trur det kan vera bergspenningar som gjev sprakefjell, der flak fell ned.
Arbeidet med opprydding og sikring vil halda fram i natt, og det vert gjort ei ny vurdering om opning i morgon klokka 07:00.
Sjå Statens vegvesen sitt kart med oppdaterte veg- og trafikkmeldingar her.
