(Utah Data Center i Bluffdale i delstaten Utah i USA. Senteret er bygd av den amerikanske militære etterretningstenesta NSA og har kapasitet i yottabytes-klassen. Foto: <a href="https://www.flickr.com/photos/electronicfrontierfoundation/14918754755/in/photolist-oJjw2z-drsgfm-oJhHbj-oeJk6G-nXpTUB-nXpUbD-oeQQqj-nXqG3g-nXqH3H-nXqGMx-qYfefX-8xPxcH-98EUo3-8RMDAn-xGmrwG-9h8Eev-9h8E9k-9hbMYC-4NBoZL-xzhsh-Ru6WWk-xE4EiG-2faNxd1-2fftzVx-24CWVsH-2dRAFA6-24CWZcB-2dRARkB-Ru78Ep-2fftFS2-2faNNS7-Ru76gB-2fftUtV-2e9zaJ1-Ru6SB8-2faNMtq-2e9zbpE-2jt4pL9-2jt4pUv-2jt7cwm-2jt4pkp-2jt4p6m-2jt8vVu-2jt7ce7-2jt4ooj-2jt8vk6-2jt8vvm-2jt4ora-2jt7cJL-2jt8vLm">EFF Photos</a>/<a href="https://creativecommons.org/licenses/by/2.0/">CC BY 2.0</a>.)
Den amerikanske militære etterretningstenesta NSA skal ha utnytta eit hemmeleg dansk-amerikansk spionsamarbeid til målretta spionasje mot departement og private bedrifter i Danmark.
NSA har også spionert på Noreg gjennom eit samarbeid med den danske etterretningstjenesten FE. Det hevdar flere anonyme kjelder uavhengig av kvarandre ovanfor Danmarks Radio (DR).
Opplysningane kjem i kjølevatnet av ein oppsiktsvekkjande etterretningsskandale i Danmark, der etterretningstenesta skal ha begått fleire lovbrot og helde tilbake informasjon ovanfor kontrollstyresmakter.
Undergrev tryggleiken for vitale interesser i Danmark – men også hjå allierte
Jens Elo Rytter, professor i forvaltningsrett ved Københavns universitet seier i kommentar til DR at saka er rystande fordi FE [dansk etterretning, red. anm.] skal beskytte Danmark saman med PET [politiets etterretningsteneste i Danmark, red. anm.] og er med på å undergrave statens vitale interesser ved å la amerikanarane spionere mot danske samfunnsinstutisjonar.
I følgje professor i strafferett, Jørn Vestergaard ved Københavns universitet seier dansk lov at utanlandsk etterretning ikkje har lov til å sponere på Danmark på noko måte, eller få innblikk i militære opplysningar eller politisk følsomme opplysningar.
Brukte spionprogrammet Xkeyscore
Kjelder har fortalt at NSA brukte programmet Xkeyscore til å spionere mot danske mål og mål i Danmarks næraste naboland, som Noreg.
Både amerikansk og dansk etterretning har tilgang til programmet som gjer det mulig å søke gjennom store mengder data som blir tappa frå internettkablane og lagra i eit enormt datasenter i Bluffdale i delstaten Utah i USA.
I følgje danske ekspertar kan opplysningane skade Danmarks forhold til dei næraste allierte nabolanda.
Forsvarsminister Frank Bakke-Jensen seier til Grafen at han ikkje vil kommentere saka medan den er under gransking.
– Eg kan heller ikkje kommentere saker som baserer seg på anonyme kjelder og som gjeld forholdet i andre land. Eg legg til grunn at påstandane inngår i granskinga som skal gjennomførast av ein særleg undersøkelseskommisjon i Danmark, seier han.
Bakke-Jensen seier også at han på generelt grunnlag kan seie det er viktig at etterretningsverksemd vert utøvd innanfor klåre rammer og at det føreligg nasjonal kontroll.