Gap opp, Adolf! Peskovs dotter delte bilete av Hitlers tenner på Instagram


Dottera til Dmitrij Peskov la ut eit bilete på Instagram som viser Adolf Hitler og Eva Braun sine tenner. Desse er lagra i FSB (tryggleikspolitiet, red. anm.) sine arkiv i Moskva.

Faren hennar har vore den russiske presidentens talsmann sidan 2012, og det er dottera, Elizaveta Peskova, som la ut bileta på sin populære Instagram-konto. Ho skriv at det var hennar venn og historikar Pierre Malinovsky som spurte om å få sjå tennene.

«Tru det eller ei, han fekk tillatelse til å besøke ein av dei mest interessante og hemmelege bygningane i landet», skreiv Peskova på Instagram-kontoen sin.

Ho skriv vidare det var utført DNA-analyse i 2018 av den franske rettsmedisinaren Philippe Charlier, som stadfesta at det er tennene til Hitler og Braun som ligg arkivet.

Charlier har tidlegare undersøkt levningane etter Rikard Løvehjarte og dei falske relikviene av Jeanne d’Arc.

https://www.instagram.com/p/CD4E82fiU4y/