Firda-journalist i porno-photoshop gjekk viralt på Facebook


Faksimile: Firda/Facebook.

Firda-journalist Ivar Bruvik Sætre har fått uventa respons på eit blogg-innlegg om erfaringar frå heimekontor, som han delte i avisa.

«Eg trudde eg skulle gå på heimekontor-veggen. No likar eg meg. Her er seks tips»
– Tittel på innlegget i Firda

Det viste seg at dette gjekk viralt på Facebook, etter at nokon med gode Photoshop-kunnskaper har lagt inn fullskjerm-pornografi i eine skjermen, og ei åtvaring om oppussing og bratte skiturar i den andre.

I forgrunnen sit journalisten med eit oppglødd blikk, som understrekar at han likar seg.

I følgje skjermbildet vart innlegget publisert på heimesida til Firda klokka 04:55 om natta den 27. mars. Grafen har ikkje lest innlegget då det krev abonnement, og kan såleis ikkje stadfeste om klokkeslettet er rett.

Grafen har gjort fleire forsøk på å få kommentar frå Ivar Bruvik Sætre til saka, men han har ikkje svart. Det har heller ikkje redaktør Kai Aage Pedersen. Men kven veit, kanskje er Firda-redaktøren oppteken med heimekontor?