Slutt på skepsis: Sputnik-vaksine på veg til Europa

Foto: sputnikvaccine.com

Russiske styresmakter har nyleg sendt Sputnik-vaksinen til det europeiske legemiddelbyrået for vitskapleg gjennomgang. Når byrået gjev tommel opp er vaksina godkjent for bruk i heile Europa.

Det er venta at legemiddelverket kjem med svar i februar, men kva tid ein kan få ein Sputnik i armen i Noreg gjenstår å sjå. Truleg skjer det ikkje før over sommaren om den europeiske produksjonen kjem i gang.

Vaksina er allereie registrert og godkjent i fleire land, inkludert Ungarn, Serbia, Mexico, Argentina og Dei sameinte arabiske emirata. Utviklarane hevdar den er 90 prosent effektiv, og beskyttar mot mutasjonar.

Det er Gamalejainstituttet for epidemiologi og mikrobiologi i Moskva som har utvikla vaksina. Instituttet er kjent for å ha utvikla verdas einaste godkjente Ebola-vaksine, som vart utprøvd under Guinea-utbrotet som herja i 2016.

Kan bli vaksineproduksjon i Europa

I går sa Tysklands forbundskansler Angela Merkel på ein pressekonferanse at dei ønskjer Sputnik-vaksinen til Europa.

Merkel sa at dersom legemiddelbyrået godkjenner vaksina vil det vera mulig å produsere den lokalt i Europa. Ho gav samtidig Russland tilbod om teknisk støtte frå det statlege Paul Ehrlich-instituttet.

Instituttet skal bidra med kompetanse og produksjon av dokumentasjon til legemiddelbyrået, slik at prosedyrane og trinna for godkjenning skal verta gjort på rett måte.

Paul Ehrlich-instituttet er tilsynsorgan for vaksiner og biomedin og er underordna det tyske helsedepartementet.


Del artiklane våre med venene dine på sosiale medier.


Del artiklane våre med venene dine på sosiale medier.


Del artiklane våre med venene dine på sosiale medier.


Del artiklane våre med venene dine på sosiale medier.